中大新校長金耀基早前同一班傳媒校友聚餐，介紹明年慶祝中大成立四十周年嘅活動。金校長嘅開場白係叫各位校友記住「有中大唔好嘅嘢記住話佢知，有中大好嘅嘢就記住話畀外面嘅人知。」
中大有成就，八方當然有責任向外宣揚，但當晚在座者全部都任職新聞界，所以中大嘅唔好嘢例如迎新營風波，都一樣要話畀人知，職責所在，校長應該唔會見怪。
金耀基提到中大前校長李國章嘅夫人，就非常難過，重猛讚李太賢淑。佢話從來冇諗過搬入校長宿舍，既然李國章用市價租住，根本唔係問題。金校長提起此事，皆因有人話李國章已離開中大，冇理由唔讓間屋畀耀基；實際係李太現時病重，唔適宜搬家；金校長重話當年喺新亞，一樣冇住院長宿舍，所以李局長大可放心住，多照顧李太。
（圖）金耀基校長話李國章大可放心繼續住宿舍，好好照顧養病嘅太太。
傳真︰2623-9278
電郵︰