吳君如入行近二十年，從未舉行fans聚會，日前她應本報《偶像齊齊玩》之邀，與十多名fans坐金雞巴士遊車河，君如更預備了燒火雞，跟fans大吃大喝賀聖誕。
從未試過舉行fans聚會的吳君如，日前終於進行了首個影迷聚會，日前她應本報《偶像齊齊玩》之邀，與十多名fans一同遊車河。
近期君如一直忙於宣傳她主演的新片《金雞》，而電影公司亦特別租了一部旅遊巴，連布置及租車一個月的費用在內，花掉近三十萬元在金雞巴士上。
日前君如請fans坐金雞巴士遊車河，由尖沙嘴出發，於區內兜圈，她又一早預備了一大隻燒火雞，還有薯片及零食飲品，君如並主持「劏」雞儀式，然後親手分配給fans。
眾fans今次與君如共聚，表現得非常開心，紛紛邀她簽名及拍照留念。一班少男fans更合力抱起君如，又大讚君如靚女，逗得她笑得合不攏嘴。
事後君如不禁興奮地說：「其實我一路都想搞影迷會，但啲fans大部份都係學生，冇錢嘅，搞影迷會都要經費㗎，後尾商台肯畀錢同我搞，我諗農曆年後應該搞得成。今次同班fans遊車河，係我第一次搞聚會，但係啲fans個個鬼咁怕醜。不過佢哋有啲都口花花㗎，話我靚喎。
「講真吖，我老佢哋一大截，啲𡃁仔講嘢，話你like唔like呀，又同我講話𠝹女係介女至啱，意思係話介紹個女仔，佢哋啲年輕人文化都幾好笑。」君如對今次聚會大感滿意，不過她希望下次再搞聚會時，大家能舒舒服服坐下來，好好聊天。
採訪：朱芷瑩、羅慧敏
攝影：陳志嵐