靚太Lucy平日等老公返工、乖仔返學後，就最鍾意相約一大班朋友齊齊去深圳Shopping。最近我發現東門有一間新開張不到一個月的腳底按摩店，推出了獨創的躺卧式腳底按摩，坐喺度做腳底按摩就試得多，瞓喺度真係未聽過，今日一於走去試一試！
文：狄比
攝影：陳良
這間按摩店月初才開業，佔地約有兩萬呎，是現時東門最大的按摩店。佢哋打破以往傳統的框框，讓客人躺着做腳底按摩，令客人更舒服。我靚太第一時間試試，全套做足80分鐘，只需?40，包括按頭、按腳、洗耳仔及用礦物鹽敷腳。一邊睡在床上享受腳底按摩，頸下還墊有一個暖水袋，啱晒要做家務、經常頸梗膊痛的太太們。
宮廷式沐足?28歎足60分鐘
這裏的宮廷式沐足，是先以一個盛有高溫中藥水的大木桶，讓客人一邊按肩一邊以蒸氣蒸腳，十分鐘後再換上藥水泡腳。做完六十分鐘的腳底按摩後，再以生薑沿着小腿進行熱敷。包你覺得雙腿熱辣辣，渾身血氣流通。
?19腳底按摩平通深
重想經濟啲，大可以只做普通的腳底按摩，在舒適的廳堂內做足70分鐘腳底按摩，重連埋小食和礦泉水，亦只不過是?19，以我精明靚太的格價資料看來，絕對平通深圳。
銓惠沐足保健中心
地址：深圳市人民北路1008號中威商業中心五樓全層（即東門太陽廣場側）
電話：(86)75582397031
營業時間：9:00am-11:00pm