余文樂、何韻詩及Shine前晚到灣仔會展擔任2003大專校花選舉表演嘉賓，其中余文樂還兼任頒獎嘉賓，不過他不敢正視穿着吊帶裙的校花，上台後更保持距離，十分拘謹。
余文樂對此說：「冇啲咁嘅事，我都有望吓㗎，不過工作還工作嘛，我怕望耐啲又唔知會俾人點寫呀。」問余文樂是否要與女性保持距離？他說：「可免則免囉，費事多是非。我情願俾人話搞基，好過有咁多緋聞，同埋俾人話鹹濕。」
前晚大專校花冠軍由香港專業教育學院李惠利分校的2號陳銘詩奪得，香港理工大學的5號陳琼雅及香港專業教育學院沙田分校的6號楊碧芝得雙亞軍，她倆還分別奪得「最佳網上情人大獎」及「活力健康獎」，季軍則是台灣開南管理學院的1郭茗侑，香港大學副學士4羅嘉慧則奪得「完美肌膚大獎」。
採訪、攝影：魯萍