吳君如前晚和男友陳可辛、杜汶澤和女友田蕊妮等，在銅鑼灣宣傳電影《金雞》，大派安全套，君如說：「你哋啲口靚仔今晚玩性，唔好令父母擔心，一世飲恨，記得用安全套。」
日前君如和杜汶澤主持商台節目時批評電影《英雄》犯四宗罪，分別是章子怡角色可笑、特技太多、美術造作和歌頌秦王。
君如昨日在港台回應說：「成日畀面點做節目？我嗰晚先講《英雄》，等《金雞》上咗先講自己部戲，我都係講對電影嘅睇法，係個人感受，每部戲都有好同唔好，主持要做批評嘅嘢。」
此外，《金》片前日上映，反應不俗，記者前晚走訪又一城AMC戲院，兩場都滿座。部份觀眾稱讚《金》片十分好笑。
伍小姐說：「好睇，我好鍾意君如生仔嗰幕，全套戲值七十分。」
陸小姐說：「最好笑係Eason（陳奕迅）同君如上床，全套片有八十分。」
蘇先生說：「我覺得套戲一般啦，不過有一場講Eason同吳君如上床，都好好笑，我畀套戲七十五分。」
採訪：魯萍、楊潔雯
攝影：甄朝健