將於明年1月下旬發布，並於2月初正式推售嘅三菱LancerEvo.Ⅷ，早已備受車迷注目；而響我哋最近收到嘅一份「社外秘」資料中，得悉新車將會有一個FamilyLook嘅車頭造型，但賣相仍不失一份惡形惡相感。車廂除有Recaro跑車桶椅外，另外重有Momo三幅式跑車軚環等配備。而引擎配搭方面，則會係一台新改良嘅4G632.0公升Turbo偈，馬力輸出高達280匹，扭力為40.0kgm；同時為要保持引擎有高效率表現，新車會改用上流量更大嘅Intercooler，前後懸掛亦有新改良，加埋四輪Brembo製嘅煞車制動裝置，以及可靠性日趨穩定嘅電子AYC裝置，相信匹配上一套CloseRatio嘅6前速手波後，新車起跑及加速會較前來得敏捷。而新版LancerEvo.Ⅷ嘅尾定翼裝置響強化及輕量組裝下，亦會令行車表現穩定得多呢！有興趣嘅車迷，就要耐心多等一會喇！