今日是普天同慶的聖誕節，Twins為迎接這個佳節，成員蔡卓妍特別捧着一隻可愛的白鴿拍照，不知是否她電力過勁，鴿子竟不停顫抖更一度失禁！而Twins表示就算是佳節當前，也不期望有俊男約去街。
二人女子組合Twins在今年的聖誕節會和容祖兒、3T及一班同事開派對慶祝，實行普天同慶。為了祝大家可以過一個和平的聖誕節，Twins特別捧着白鴿在聖誕樹下拍照。
Twins的蔡卓妍（阿Sa）和鍾欣桐（阿嬌）一直深得英皇娛樂老闆楊受成寵愛，她們為答謝對方的栽培，二人都已準備了聖誕禮物送給楊受成，阿Sa說：「楊生其實乜都有，所以我哋嘅禮物都係少少心意，大家開心吓。」
阿Sa當日捧着可愛的白鴿拍照，不知是否阿Sa電力十足的關係，還是白鴿不慣面對鏡頭而不停顫抖，更害怕得失禁，搞到阿Sa差點沾到白鴿的糞便，之後阿Sa怎也不肯再抱着白鴿拍照。
問到阿嬌的聖誕和新年願望？她說：「我哋今年發展都好好，既有機會開演唱會，唱片銷量又理想，所以我哋希望出年事業繼續順順利利，因為我哋都唔再係新人，我哋重要勤力啲，將啲好成績送畀歌迷。」
阿Sa和阿嬌身邊雖不乏裙下之臣，但二人竟異口同聲表示佳節中不期望有俊男相約去街，阿嬌說：「我哋𠵱家做嘢最緊要，至於擇偶條件，我欣賞另一半要思想成熟，唔小器，對方一定要教到我做人道理同𠱁到我好開心。」
阿Sa則說：「我都唔使一定要俊男，但我鍾意男仔簡簡單單，最緊要一定有幽默感，我講嘢雖然好好笑，不過佢一定要講得比我重好笑㗎。」
採訪：比華利
攝影：林德雄
髮型：DanielCheng
化妝：AndyLeung