壹傳媒集團副主席周安橋做埋呢幾日就唔做，自己去做生意。上個禮拜，八方趁佢生日，約佢食咗餐飯，兼且講埋再見。傾傾吓，先知佢原來加入壹集團已經三年零八個月，其間幫公司買咗「百樂門」變相上市，又將《蘋果》注埋入上市公司，又經歷過科網狂潮……真係有啲似白頭宮女。
問到離職後有乜搞，周安橋話會返內地住吓；呢個聖誕節放假，就去上海陪個女過節，佢買咗間屋喺上海，唔擔心冇地方住，最擔心係冇地方玩；原來上海近日旺到七彩，平安夜想訂枱食飯，訂房唱K，託盡人事都未必得。八方當日就親眼見佢不停講長途電話，成頭煙都未訂到位。
傳真︰2623-9278
電郵︰