北上雜誌：
搭一個鐘頭車過白色聖誕

今年聖誕節，以為可以去外國滑雪過番一個白色聖誕，點知攞唔到大假又儲唔夠錢，計劃又一次泡湯。在失望之際，朋友提議不如近近哋去深圳世界之窗嘅室內滑雪場滑雪，幾百蚊滑到飽重可以玩到夜晚睇埋Show，唔使搭飛機又所費無幾，原來用少少錢都一樣可以過一個白色聖誕！

記者：黃希知　攝影：韋信、陳星

必玩極速滑雪道
到達室內滑雪場，行到門口已感到陣陣冰涼，推開大鐵門只見四周白濛濛鋪滿雪，凍到全身打冷顫，場地面積不算很大，旁邊用雪砌成屋仔同聖誕樹作布置，有一種在雪地過聖誕的感覺，同場重識咗成日嚟滑雪嘅發燒友Eric同佢班Friends，Eric話雪橇已經Out，近年好多人都興玩滑雪板，只要掌握得到，並不會太難玩，但我見到那條又長又斜，又高又低的雪道時已覺得很刺激，只站在下面望着他們以高速滑下來，都能感受到那份極速感覺。

阿爾卑斯山滑雪場
入場費：世界之窗入場費?120；每小時?80（會員8折），滑雪用品按金?200，滑雪教練每小時?50。雪靴、雪褸、襪全套?5。入會成為會員年費?650，免世界之窗入場費。
電話：(86)75526608000內線8202
地址：世界之窗內
開放時間：上午10時至晚上10時，9時半開始禁止進場，（節日關門時間延遲半小時）。

滑雪車胎
另一樣最值得玩的便是滑雪車胎，費用全免，當日我見有不少遊客都選擇排隊玩。車胎滑下時會左右擺動和旋轉，更不時聽到尖叫聲，相信刺激感不會遜於滑雪，但玩之前要攞住個大車胎行幾十級樓梯上到去最頂，玩多幾次都咪話唔攰。

五分鐘人造世紀洪水
新建的山洪暴發，是由人造效果重演上世紀末發生在委內瑞拉的特大洪水，為時五分鐘的表演，唔震撼，但免費就一看無妨！

購物廊買多國手信
新開的巴黎購物拱廊就在滑雪場入口旁，巴黎凱旋門式的走廊內有十七間售賣多個國家精品的手信店。

世界之窗
入場費：?120
電話：(86)75526608000
開放時間：上午9時至晚10時半
交通：可在羅湖火車站下面的巴士總站乘搭世界之窗觀光巴士或101號巴士、473號小巴，車程約40分鐘。從羅湖火車站乘的士，車費約?60。