近日八方收到封Email，投訴無綫新聞部老細羅燦太霸道；封Email附上一封內部電郵，據講係燦哥所發，用詞狠辣，有恐嚇下屬之嫌。八方一讀，肯定燦哥非常之㷫，否則唔會想殺死人咁款。
其實做傳媒呢行，特別係電子傳媒，分分鐘趕Deadline，點會唔出錯？但係大家都要緊記內容準確最重要，搞錯咗，出咗街，見咗報，講乜嘢甚至道歉亦冇意思㗎啦。
八方都成日錯，深知要更正其實已經係一種懲罰，但咁唔等於可以了事，讀者同老闆都冇興趣聽你解釋。所謂「知恥近乎勇」，俾人鬧係小事，自己爭氣先至係大事。大家如果領教過堅哥同肥佬黎嘅用詞，就會知阿燦已經好客氣喇。
傳真︰2623-9278
電郵︰