陳方安生雖然已經退下前線，但佢嘅消息仍受關注，最近佢分別加入多間有份量嘅公司做董事同諮詢委員，有人分析陳太此舉係正式離開政界，投身商界；其實正好相反。
據陳太好友形容，陳太唔係要從商，只係佢已經離開政府一段時間，用前任政務司司長嘅身份講嘢唔係咁好，所以係時候搵番個位。
另外，八方睇今期《茶杯》，話北京原來真係好緊張陳太動向，成日派李鵬飛做信差，第一次係九六年肥彭同北京對着幹，北大人想同陳太在港密晤，摸摸底，由飛哥做中間人，安排喺一位親戚家中見面，結果陳太一口答應。
第二次係去年陳太忽然辭職，北大人請飛哥返港問陳太會否選第二任特首。不過兩次談話嘅內容飛哥都冇透露，有冇知情人士可以報料畀八方知？
傳真︰2623-9278
電郵︰