麥浚龍（Juno）前晚在灣仔會展舉行「Juno聖誕舞蹈音樂會」，邀請了余文樂和胡杏兒做表演嘉賓。Juno的父母前晚亦有捧場，而Juno的fans表現亦頗為瘋狂，散場後更留下不少垃圾，要工作人員清理。
Juno的爸爸麥紹棠說：「今晚（即前晚）演出好成功，如果再搞大型音樂會，就要睇Juno嘅公司安排。」
Juno前晚在音樂會上更大唱郭富城、陳奕迅和鄭伊健的歌曲，可是卻沒有揀唱劉德華的歌曲，未知是否因為有見其父和劉德華曾有官司的關係？Juno說：「因為歌迷年紀細，我咪唱啲流行啲嘅歌囉。」莫非Juno暗寸劉德華的歌不流行？他說：「我想揀近期啲嘅歌！」
此外，Juno昨日在九展再舉行音樂聚會，筵開四十席，Juno笑說：「今日好似擺喜酒咁﹗」可惜開始時只約百人到場，在兩小時後完場時，才再有一班歌迷到場。唱片公司人員表示由於要到地鐵站接歌迷，但在途中遇上大塞車所以遲到。
採訪：陳梅香
攝影：何國豪