不經不覺，盧德知遇害身亡已差不多有兩個月，雙親的心情稍稍平復，忍着淚繼續走未完的路。「有時翻開個仔啲相，都好心翳，但𠵱家我都唔諗得太多囉，叠埋心水湊大個孫就算。」五十六歲的盧母說。
經常穿梭中、港兩地，任職牛皮膠紙推銷員的三十三歲盧德知，早前在深圳娛樂場所，因小事與人發生爭執，事後疑遭伏擊，身中多刀當場喪命，遺下七十歲老父、母親及六歲稚子，無依無靠。「到𠵱家公安都未拉到人，我睇嚟都係不了了之，懸案嚟㗎嘞！」盧伯搖頭歎息道。
自從喪子後，盧伯為了專心照顧孫兒，已辭去清潔工作，一家三口的生活現靠同任職清潔工作的妻子賺取四千七百餘元維持。「冇話夠唔夠嘅，最緊要身體健康，唔好俾老闆炒魷魚，咁慳慳地都夠使嘅。」盧母強調，雖然工作十分辛勞，但其身體狀況尚可應付，因此暫時未有考慮申領綜援金。
蘋果基金早前曾撥款一萬元協助兩老辦理兒子的身後事，日前另將一筆讀者捐款合共一萬九千四百三十元轉交他們。盧伯夫婦感激地表示：「𠵱家個仔啲骨灰重放喺棺材舖，遲兩、三個月就會正式上位，供奉喺將軍澳墳場，到時可能又要使三、四千蚊買位、做碑，呢筆善款可以幫輕我哋好多。」
捐款編號：C0729
暖流熱線
電話：29908688
傳真：23702192
電郵：
網址：