又到平安夜，《基本法》二十三條嘅諮詢今日亦都結束，政府會否聽從民意作第二輪諮詢重係未知之數，所以呢個聖誕都係唔慌過得好Happy。至於班問責司長同局長，兩位女悍將梁愛詩同葉劉淑儀肯定冇假放，葉劉噚日重奉醫生命繼續休息。王永平日日諗住點減公僕人工，亦冇得放假，李國章因為太太有病要在港接受治療，佢亦冇打算外出。
剩低可以走開一陣嘅只有幾人，葉澍堃令失業率有好轉，聖誕節放假唞一唞；唐英年噚日起休假一周，同家人外遊，三十號返工；林瑞麟今日北京見記者後返港，放假到二號；何志平本來想放，最後都放唔到，只好同孫明揚一樣，齊齊留港消費。
傳真︰2623-9278
電郵︰