近期，德國福士新車一浪接一浪，響嚟緊一月美國底特律車展上，佢哋會展出全新開篷甲蟲嘅同時，亞Mark聽聞香港代理方面，亦會響幾近同步嘅1月10日，喺本地預展呢部咁討車迷歡心嘅開篷車。據知，新車會以一台2.0公升直4偈作配搭，馬力輸出有115匹，並輔以最新嘅6前速半自動波箱，加上呢部開篷甲蟲，重有懷舊外露嘅電動液壓式篷頂組合，相信屆時又會掀起一批甲蟲迷，想擁有嘅衝動㗎！有興趣嘅朋友，就記得屆時去車展睇吓喇！