英皇3T成員、有「龍嫂」之稱的鄭希怡（Yumiko），昨日與吳浩康到九龍塘為法國婚紗拍廣告硬照。Yumiko穿上露肩婚紗，明豔照人，她透露簽約一年酬勞六位數字。
Yumiko說：「我上個月同一日着婚紗拍嘢，𠵱家再着，一個月內嫁兩次，開始冇乜感覺囉。將來結婚都要改着裙褂，或者其他國家嘅婚紗嫁衣。」Yumiko表示怕多次穿婚紗會嫁不出去，她說：「我唔想變老姑婆，我希望二十八歲結婚，三十歲生BB，一仔一女。」
被問到理想對象的條件？Yumiko說：「要有才華，高過我，合眼緣，唔使太靚仔，因為會冇乜安全感，重要夠成熟，大我五、六年最好。」至於年長十幾年會否介意？Yumiko說：「年齡唔係最大問題，最緊要夾。」
採訪、攝影：李珮洳