平安夜，八方祝願大家平平安安，開開心心。近排係人都話經濟唔好，搞到苦口苦面，不過摩根士丹利亞洲總裁白德邁（MichaelBerchtold）就心情大靚，佢話啱啱做咗「聖誕老人」，捐咗四十八萬畀香港「微笑行動」、「母親的抉擇」同埋「夏橋計劃」三個慈善團體。
呢次捐款出錢唔多，但係出力就唔少，話說白德邁要跑足四小時零七分鐘二十三秒，先完成呢件善舉，原來佢參加咗上個月嘅紐約馬拉松比賽，藉此籌款，搞到身水身汗，跑完全程收齊錢，啱啱趕得切做聖誕老人。
投資銀行工作冇日冇夜，又成日要周圍飛，好多人身體唔係咁好，白德邁算係例外，佢今次喺馬拉松比賽中排名一萬名以後，但係都算贏咗，因為佢預算自己要跑四小時十五分鐘。
（圖）大摩亞洲總裁白德邁（紅圈者）喺紐約跑馬拉松，籌到四十幾萬蚊。
傳真︰2623-9278
電郵︰