香江經濟差，籌款最悽慘，公益金陳祖澤就一早叫晒救命。不過，八方就覺得中電同《南早》嘅籌款方式值得推介。
中電就由十月中起至十二月底，邀請啲客戶投票選出心目中嘅優秀服務大使，客戶每投一票，中電即捐一蚊畀公益金，呢個行動反應唔錯，中電嘅公共事務總監劉玉燕同八方講，已經有八萬幾人投咗票，即係話中電要捐八萬幾蚊畀公益金。
至於《南早》就喺十月中舉行讀者問卷調查，讀者每填一份問卷，《南早》就捐一蚊美金畀公益用途，結果有千八人交回問卷，《南早》分別會捐六百美元畀公益金、博施會同埋野生動物基金會。
（圖）中電嘅優秀服務大使選舉至今個月底。
傳真︰2623-9278
電郵︰