日前，日本萬事得車廠為旗下嘅MPV車系，響當地推出全新Aeroremix特別版，新車除裝有包圍之餘，低矮嘅跑車避震及17吋跑車胎軨，令賣相變得更富活力感呢！
新車裝有車頭整流器及兩邊裙腳之餘，重有HID大燈及霧燈配搭、四輪17吋跑車胎軨，完全顯現出其富活力嘅一面；另外，其中2.3公升嘅前輪驅動版本，車內更備有真皮軚環連音響控制按鍵，而各款型號更備有碳纖維裝飾㖭！然而，引擎配搭則與現有型號相同，但改用上低矮嘅跑車避震及17吋跑車胎軨組合後，操控表現較前提升不少；若然代理能將之引入的話，定必大受歡迎呢！