每年聖誕節一到，其實都幾煩惱，既要諗定有咩節目，又要諗吓聖誕着咩衫，但係點都唔夠諗買咩聖誕禮物咁頭痛。如果真係咁唔好彩，到了今日你都重未買齊禮物，不如參考吓其他街坊的意見。以下六款高票當選的聖誕禮物，是由50個旺角街坊一人一票選出來的，有冇代表性？唔重要，最重要係唔使苦惱買乜禮物送畀身邊人。
記者：尹珊珊
攝影：陳穎、伍慶泉、楊錦文
ImageGirl：Irene
呢部由Palm最新推出的掌上電腦，採用其最新作業系統PalmOS5.0，適合日理萬機的事業型男性。佢唔單止有晒一般掌上電腦的設備，重有內置的藍芽功能，而機身採用革命性的拉下式開關設計，夠晒纖巧細小，彩色屏幕既有型又有內涵，𠵱家購買重送你原價$1,000的數碼相機及神秘禮物一份，雖然售價稍貴，但若老公搵到錢，做老婆都會受惠。
售賣點：Newbest.com
地址：旺角山東街47-51號星際城市202-203室
電話：27804400
係女人都貪靚，特別係寒冷乾燥的天氣，皮膚容易出現脫皮、乾紋等問題，買套護膚品送畀老婆，就夠晒體貼細心。呢套Fancl出品的冬日限量版乾燥修護療程套裝，內有具備按摩和敷面雙重功效的柔滑按摩面膜，含高度補濕成份的高效修護啫喱，有助修護肌膚細胞的乾燥修護精華，及具保濕同抗氧化功效的緊緻修護眼膜，令皮膚得以高度保濕及儲水。
售賣點：FanclHouse
地址：銅鑼灣皇室堡廣場1樓D室
電話：28811831
家庭主婦一向知慳識儉，送禮物畀佢哋分分鐘重嫌你嘥錢，所以揀禮物最緊要有實際作用。呢隻AnneKlein不銹鋼手鐲形鑽石腕表，以金屬表殼配襯鍍銀圓形表肉，加埋瑞士精製機芯，實淨襟戴，配合同色系的鋼索手鐲代替普通表帶，高貴典雅。
售賣點：AnneKlein
地址：尖沙嘴海洋中心2樓271號舖
電話：27308020
數碼相機愈來愈普及，買番部送畀爸爸，就可隨時影低平日的家庭樂，推薦Sony最新型號的DSC-F77數碼相機，佢唔單止有Sony機一貫的輕巧外形，兼夾操作簡單，備有可300度旋轉的「蔡司」鏡頭，拍照時解像度有410萬像素，更設有PEGMOVIEHQX高質素影片拍攝模式，讓你無間斷拍攝動態片段，最正係有埋自拍功能，就算一個人都可以玩餐飽。
售賣點：華仁會
地址：旺角花園街75-77號花園商業大廈6樓
電話：23980280
唔少大男人都愛以打機為樂，如果你男朋友同樣都係咁孩子氣，不妨送佢一部新款的遊戲機。呢部推出無耐的XBOX，係Microsoft最新出的家庭式遊戲機，畫面質素優勝過PS2，內置硬碟功能，當XBOXLive正式在香港推出，還可同世界各地的Game友一齊打機。
售賣點：DreamStore
地址：灣仔道188號東方188商場2樓256號舖
電話：25753285
買禮物畀女仔最講心思，有無實際作用反而係其次，買唔起鑽石首飾𠱁女友，買毛毛公仔一樣萬試萬靈。推薦呢隻質地軟綿綿，個樣懶洋洋的長條身形BearBear熊，佢好醒目㗎，只要㩒吓佢個肚腩仔就會識講「ILoveYou」，個身重有陣陣的香味，女朋友見到實冧死，購買時另附有薰衣草味的淋浴香片一樽，倒入浴缸內即可溶解。
售賣點：LOG-ON
地址：九龍塘又一城UG01
電話：22655333