日本長青搖滾歌手布袋寅泰，今年五月初出席完其歌手老婆今井美樹父親的葬禮後，發生車禍引致頭骨骨裂及積聚瘀血，須緊急取消其巡迴演唱會。經多月休息後，前晚布袋終在大阪市補開其最後一場演唱會，他更在其網頁上公開做手術後的頭部傷痕相片。
其實布袋當時撞車後，醫生曾表示他可能有生命危險，為了做手術更鏟去布袋半邊頭髮，縫針後的傷痕尤如在頭上加上一條粗拉鏈。而布袋則在相旁寫下當時的心情說：「呢次意外真係突然，我以為自己唔可以再彈結他，巡迴演唱會雖然需要好大嘅體力勞動，有時都好攰，不過就係我生命中唔可以失去嘅部份……」布袋又表示非常慶幸自己仍能站在台上。
而前晚在演唱會「SCORPIORISINGTOUR」上，布袋精神奕奕地施展渾身解數，不停搖動頭部，完全不像曾受過重創。這場延遲了三個月才舉行的演唱會，令布袋感觸良多地大叫：「最後一日終於嚟到啦！如果你哋以為我有病就原諒我唔盡全力，咁你哋就錯啦！」據知巡迴演唱後，布袋打算再放長假休養。