港交所噚日一年一度年結，八方去捧場，佢哋今年改以聚餐形式滙報工作，而唔係記者會，令氣氛輕鬆好多，出年四月離任嘅行政總裁鄺其志更加談笑風生，有問必答，字字珠璣。
鄺神童讀完大學一直喺政府做官，入港交所之前官拜資訊科技廣播局局長，算係平步青雲。今次因為仙股事件而黯然離任，但鄺神童同八方強調，佢冇後悔離開政府，而且「做嘢要向前望」。
佢又用一句「離愁別緒不可盡為人道！」嚟總結佢離開港交所嘅心情。呢十個字，背後唔知有幾多感慨，只見鄺總裁對住記者，讀出頭四個字之後，要苦思數分鐘，然後先續埋下半截；相信呢句金句，都會同佢另一名句「公道自在人心」互相輝映。
（圖）鄺其志雖然話做嘢要向前望，但講起離情都相當黯然。 程志遠攝
傳真︰2623-9278
電郵︰