最近有兩個朋友同我講，會返深圳過聖誕，過聖誕都要返深圳？佢哋話喺深圳過聖誕勝在夠經濟，而且唔使迫餐死，最啱兩支公撐枱腳。於是我就四出為大家搜羅了多間餐廳，睇吓邊間啱自己心水，不妨預早打電話去訂位。
記者：黃希知
攝影：CarlZeiss、韋信
ImageGirl&Boy：Natalie、Roy
經過冷清清的商場搭電梯直達四十樓的旋轉餐廳，一入門口已見長枱擺滿食物，另一邊的壽司吧、粉麵檔有廚師即席製作，款式都有數十種，餐廳一到晚上七時就會開始慢慢轉動，可以一邊食一邊盡覽深圳夜景，但記住離座攞食物時要記住枱號，否則轉轉吓就會搵唔番張枱！
平時在香港食自助餐好少有龍蝦沙律這些貴價菜式，今次聖誕Buffet有得食，我哋當然唔執輸，個個第一時間食番夠本，沙律內混有龍蝦肉同各款鮮果粒，愈食愈醒胃，除龍蝦沙律外，重有Buffet難得一見的象拔蚌刺身，可以一次過大飽口福。
餐廳食物質素看來不錯，同負責人傾談下才得知所有廚師都大有來頭，他們曾任職於五星級酒店如洲際酒店、深圳灣大酒店，所以食物同樣有着五星級質素。
凱旋門旋轉餐廳
電話：(86)75583279738
地址：深圳深南中路國際科技大廈40樓（上海賓館對面）
營業時間：上午7時半至凌晨1時，24、25號營業至凌晨2時半。
收費：平安夜?288?位，聖誕日?228?位，另加一服務費，汽水啤酒任飲。
過千呎的面積加上四周掛滿聖誕飾物，氣氛絕對拍得住香港的西餐廳！餐廳共有兩款聖誕大餐選擇，每款都有前菜、餐湯、主菜和聖誕特飲，每個餐重會送發聲毛公仔一隻，兩個人又食又拎埋單三百蚊有找。
一隻火雞閒閒哋要幾個人先食得晒，所以大廚就將傳統的主菜燒火雞改良成火雞柳，將去骨的火雞柳捲着芝士、火腿，蘸上雞蛋、麵包糠，炸至七成熟再焗，還特意配上酸甜橙汁，用橙的酸甜開胃味道來平衡芝士的膩感。
西雅圖咖啡廳
電話：(86)75582340033
地址：深圳市建設路1028號敦信大廈
營業時間：上午7時半至凌晨1時，24、25號營業至凌晨2時半。
其他精選：
店名：法國餐廳
有咩食：聖誕大餐包括煎鵝肝、鴨肉批、甘笋湯、火雞、香檳及甜品。
收費：平安夜成人?580?位，聖誕日成人?380?位，另加15%服務費。
特備節目：有樂隊現場演奏及大抽獎。
訂座電話：(86)75582938000
地址：深圳深南大道6001號五洲賓館9樓
備註：以上價錢需另收加一服務費。
店名：英倫島咖啡西餐廳
有咩食：聖誕大餐包括火雞、芝士焗生蠔及其他食品。
收費：平安夜晚餐?98?位，聖誕日?88?位，不設加一服務費。
特備節目：現場色士風、鋼琴演奏、卡拉OK、大抽獎
訂座電話：(86)75582307909
地址：深圳市羅湖區迎春路12號海外聯誼大廈二樓西側
店名：皇子扒房
有咩食：聖誕餐包括宮崎牛扒、炒桂花翅、燕窩、任食聖誕火雞。
收費：五款聖誕大餐價錢分別為每位?388至?1,388不等。
特備節目：無
訂座電話：(86)75582362988
地址：深圳市羅湖區人民南路佳寧娜友誼廣場3樓
店名：湖景餐廳
有咩食：聖誕自助餐供應過百款美食。
收費：平安夜晚餐?338?位，聖誕日每位?198?位
特備節目：俄羅斯歌舞團表演、樂隊現場演奏、聖誕老人派禮物、詩歌班唱聖詩。
訂座電話：(86)75525400088
地址：深圳水庫愛國路4006號東湖賓館1樓
店名：中國之窗旋轉餐廳
有咩食：聖誕自助餐
收費：平安夜自助晚餐成人?398?位，聖誕日自助晚餐成人?398?位，12歲以下小童半價。
特備節目：免費派贈派對禮物包、幸運大抽獎。
訂座電話：(86)75582330888
地址：深圳市建設路1002號火車站東側
店名：廷韵咖啡廳
有咩食：自助餐供應火雞、火雞卷、焗龍蝦、牛扒、挪威蝦、阿拉斯加蟹等多款美食。
收費：平安夜自助晚餐成人?288?位，小童?138?位，聖誕日自助晚餐成人?188?位，小童?98?位。
特備節目：現場歌舞表演及贈送禮物包一份。
訂座電話：(86)75582078810
地址：深圳市華強北路4002號聖廷苑酒店大堂
備註：平安夜每位客人贈送香檳一杯，聖誕日贈送雞尾酒一杯。需在酒店大堂預先購買餐券。