咪話八方唔關心特首，明知阿董出年又犯太歲，咪走去聽吓蘇民峰「生肖行運旅行講座」囉。
根據蘇民峰所講，阿董呢類屬牛嘅「熱命人」（即係熱天出生者），明年係不穩定之年，是非多多，適宜「以不變應不變」，若不得不變，就應該調校心情去面對；重有，要注意腹部同個腎，尤其是男性，腎臟容易虛虧，以致易疲勞、記憶力衰退。
按佢話，阿董最好喺西南位放置粉紅色物件化解吓（唔知董太着粉紅色衫行來行去得唔得呢？）；又適宜喺農曆六月同十二月外遊，最好去北歐、新疆等西北地方，即係話，特首為港人福祉起見，最好喺出年七月去大西北、聖誕節去北歐玩吓啦！
傳真︰2623-9278
電郵︰