章小蕙斥資六位數字，取得美國著名化妝品品牌LindaCantello的東南亞區代理權。早前她找來張文華操刀，拍攝了一輯宣傳照片。她表示六月生日時，在名風水師陳伯陪同下往四川清風山，觀日食及沾靈氣，三個月後便順利取得代理權。
章小蕙早前透露欲發展化妝品事業，更成功取得美國化妝品品牌LindaCantello的東南亞代理權，明年她更會飛往紐約，讓LindaCantello為她親自化妝。LindaCantello是世界知名的化妝師，現為YSL化妝品的總監，亦是超級設計師TomFordfashionshow及廣告照片指定的化妝師。
章小蕙表示自從事時裝生意後，發覺始終是賺頭蝕尾，她說：「所以我由舊年已經諗住傾化妝品嘅代理返嚟，而LindaCantello係我追捧咗十年嘅名牌，我同佢可以話係一傾即合，第一次見面已經落實合作。
「𠵱家我會全力做呢方面嘅生意，時裝店嘅品牌會由三十五個縮為八個，下一步就會喺各大百貨公司開設LindaCantello嘅專櫃，不過就要畀啲耐性去等，好似連卡佛同西武嘅櫃位，淨係排隊都要排半年。」
章小蕙並指，這次順利取得LindaCantello的代理權，她深信是在六月生日時與陳伯往四川一遊，沾取靈氣所致，她說：「六月時我重有官司喺身，陳伯帶我去四川清風山，啱啱嗰陣時睇到日食，陳伯話係好難得嘅，唔夠三個月我就成功傾掂LindaCantello嘅代理權。」
採訪:RitaLeung、JessicaNgan、CamelLok
攝影:HoKwokHo