八方收到九鐵送嚟一個名叫「自然環境 世代續存」嘅2003年座枱月曆，愛不釋手，裏頭嘅風景相好靚，唔好以為係喺外國拍攝，全部都係「香港製造」㗎。
可能九鐵經過塱原支線惹來嘅環保風波後，買咗個大教訓，所以時刻都記住環保，連月曆都以保育為主題。九鐵主席田北辰喺裏面開宗明義話希望同大家一齊欣賞香港美景，重乘機讚吓鐵路有助環保㖭。
八方再翻一下，先知個月曆嘅概念、內文及風景照片全部來自香港自然環境攝影基金會，每個月嘅圖文正好介紹香港目前推行緊嘅各種可持續發展計劃，又真係幾有意思。月曆重印埋老子同愛因斯坦嘅名句，唔知係楊啟彥定丘太嘅傑作呢？
（圖）九鐵嘅座枱月曆有好多香港風景靚相。
傳真︰2623-9278
電郵︰