谷祖琳本身為電單車新牌仔，日前她特向朋友借了一輛重逾八百磅、約值十八萬的哈利鐵騎，打算載其叔谷德昭（肥谷）遊車河，惜她竟無力接載體重超過二百磅的肥谷，加上該車不設後座，他倆遊車河之美夢頓時破滅。
谷祖琳在數月前考獲電單車牌，由於政府立例電單車新牌仔在考牌後一年內，若購新車必需在車尾掛上「P」牌，所以她決定等到明年才買車，而日前她特向朋友借了一輛「哈利」型仔鐵騎，打算相約阿叔谷德昭遊車河，但因肥谷超重，加上該車不設後座，遂令二人遊車河之美夢破滅。
當日谷祖琳在九龍城向友人借了一部價值約十八萬的「哈利」後，才知道該車沒有後座位，肥谷自知有得睇冇得坐後，也不禁大感失望。
其實該部「哈利」已重逾八百磅，肥谷笑言該車是其體重之四倍，即他有二百多磅，對於體重只得一百一十磅的谷祖琳，實難頂千磅之重，肥谷無緣坐車，惟有作狀坐上該部型仔「哈利」過一過癮，不過最後肥谷亦只能眼巴巴看着姪女駕車絕塵而去。
本身未有考取電單車牌的肥谷，自言並不擔心姪女做鐵騎士會有危險，他說：「其實佢啱揸電單車，有成熟嘅心智揸就得啦，第日佢如果真係買電單車，我實會坐佢車㗎，不過我以前坐冧過阿Sam（李燦森）部電單車，搞到佢架車好貼地。」
谷祖琳則說：「我恨咗買電單車好耐㗎啦，但我會留番下年至買，𠵱家買車嘅話，要掛P牌，買架靚車都會有影響啦，所以我𠵱家得閒只會問朋友借車揸下，順便當係練習。」
此外，谷祖琳前晚和鄧健泓、鍾子淇等到灣仔會展出席「凝聚關懷傳愛心」暨2002年義工嘉許禮，谷祖琳被問到有傳新入主EMI唱片公司的高層陳輝虹準備雪藏她，谷祖琳說：「我冇見過陳輝虹，佢都未搵我傾偈，等我做好自己先啦，到時佢會搵我。」
採訪、攝影：朱芷瑩