香港英商會行政董事夏偉邦半生戎馬，參加過波斯灣戰爭，八方同呢位老兵傾到二十三條，佢講嘢非常直截了當，就係香港一旦立此法，將喪失同內地城市之分別，外商無必要再留低。但一講到保安局局長葉劉淑儀，佢都話要寫個服字。
佢認為葉劉唔只夠勇，而且有guts去面對學生同公眾，推銷二十三條，呢樣唔係易事。佢又覺得葉劉唔會死撐唔改，所以唔擔心佢嘅民望暫跌。
夏偉邦最威水，係九一年參與波斯灣戰爭。當年佢原本駐守德國，一開戰，官拜准將嘅夏偉邦奉命率領六千官兵進攻伊拉克，解救科威特。九二年夏偉邦選擇來港，任駐港英軍副指揮官（DeputyCommander），駐守添馬艦，九四年退役，轉咗做英商會行政董事。
當兵咁多年，嚴守過英軍保密令滋味嘅夏偉邦贈港人一句金石良言：「自由得來難、失去易，一旦失去自由，要重獲更是難上加難！」
（圖）軍人出身嘅夏偉邦准將，都要寫個服字畀葉劉。
傳真︰2623-9278
電郵︰