林瑞麟宣布會按得票數目，資助參選立法會嘅候選人，每票十元。民主黨財政緊絀，多一條財路當然歡迎，不過佢哋得一想二，希望政府連區議會候選人都納入資助範圍，如果成事就和味啦。可惜林D8馬上否決咗，話立法會有得資助，係因為將每位候選人嘅兩次免費郵遞，減為一次，庫房慳到錢先有得使；區議會選舉只得一次免費郵遞，減無可減，佢重話家陣財赤嚴重，勸大家唔好再打庫房主意。
民主黨新任主席楊森死心不息，再次去信林D8，要求重新考慮資助，最後重話如果今屆唔得，都希望下屆區議會選舉可以有錢派。民主黨唔似其他黨派咁多金主支持，有老友雖然好同情佢哋嘅困境，不過都笑佢哋今次太大想頭，以為自己係執政黨乎？阿董邊有咁順攤！
傳真︰2623-9278
電郵︰