基本法二十三條立法嘅諮詢期明日結束，五個醫生喺上個禮拜發起諮詢業界行動，好似史泰祖醫生、蔡堅醫生等連日嚟鬼咁忙碌，fax啲問卷畀啲醫生。史醫生話，佢重出動埋老婆同兩個囝囝，唔停咁將問卷入落信封，幾日嚟入咗幾千封信。
史醫生重話，最後一批信終於噚日朝早寄出去，希望業界及早收到可以即刻fax番畀佢哋，等佢哋可以趕及明日五點前交畀政府。史醫生又話，𠵱家收番嚟嘅問卷不同意見都有，所以佢哋都要等多陣至知道業內嘅意見。佢分批寄出幾千封信，最後一批都喺噚日朝早寄出埋，由於郵局嘅職員每次都不厭其煩地加以協助，令佢大為感動，對郵局職員嘅服務態度讚不絕口。
傳真︰2623-9278
電郵︰