雖然，最近大發汽車響香港嘅代理權鬧得滿城風雨，但日本廠方並無因此而受到影響，仍推出有多款新車，以迎合市場需求；而喺剛過去嘅星期五（12月20日），廠方便於日本本土推出全新Mira車系，其中一款MiraAVY型號，望落更具有一份無比嘅吸引力㖭！
新車以幾近方匣子嘅造型示人，可謂既突出又吸引，而一組頭燈望落重頗有神氣，就連直立式尾燈組合，亦能令其他道路使用者，可清楚掌握你嘅去向。車廂不但空間闊落，而且設備又見齊全，從而為你帶來不少方便。
而其中嘅R及RS型號，皆以一台659cc直3DOHCTurbo引擎作動力核心，馬力輸出為64ps/6400rpm，而扭力則為10.5kgm/3200rpm，無論起步加速都可有敏捷嘅反應。唔知各位車迷，對呢款MiraAVY會否感興趣呢？