外傭應唔應該交稅，最近各方拗到面紅耳赤，不過八方老友最近收到為家中菲傭買嘅保險費單，發覺要交多一項叫做「恐怖活動保障費用」，係成份僱員保費總額嘅3%。乍聽之下老友都嚇一跳，不過問清楚政府，先知同最近嘅爭議無關，而係美國九一一事件嘅後遺症。
大家應該都重記得九一一發生之後，全球各地嘅保險公司都風聲鶴唳，有保險機構甚至唔肯再為香港可能發生嘅恐怖活動做保險。政府眼見直接保險機構單獨承受嘅風險太大，分分鐘影響所得嘅補償，所以出手相助，拍心口揹上一百億嘅承擔額，落到每張保單上，就係每份3%，不過由於個數好少，只係十元八塊，所以續保先至徵收，就係咁簡單。
傳真︰2623-9278
電郵︰