踏入白沙村兇案現場，遇害女童陳諾雯的母親不顧警員勸阻，懷着患得患失的心情留守等候消息，結果變成歇斯底里大叫，畢竟等候的是女兒死亡之消息，每一分每一秒心如刀割，那是養育十一年的深恩和感情啊，真是可憐天下父母心。 記者：吳淑義
【本報訊】強忍着淚水的陳諾雯母親，昨午二時許踏足白沙村兇案現場，已變如決堤一樣，眼淚奪眶而出，向警員質問：「點解會咁㗎？我個女失蹤咗十幾日，我都話件案唔係咁簡單，佢咁乖女，點會無端端唔見㗎！」
在陳母未抵現場之前，她透露心情惡劣，不斷祈禱希望女兒平安歸家，但當聽到警方發現另一具女屍的消息，即與家人趕抵白沙村，警方曾一度阻撓她接近現場，陳母道：「你唔知嘞，為人父母好擔心㗎，你哋都做過人哋嘅父母啦……」一語道出父母愛子女之情。
警員只好言安慰稱：「唔好咁激動啦，我哋都要做化驗先知。」
「我好多謝你哋十幾日嚟不眠不休去搵我個女，但係𠵱家個人都冇埋啦！」陳母的情緒愈來愈激動。
警員再安慰她，並勸她先返家休息和等候消息。
進入村內私營青年團房間休息的陳母，已激動至按捺不住，一邊哭一邊爆發不滿的情緒：「我點瞓得着呀，如果唔係呢單嘢發生咗，你哋可能搵幾年都搵唔到呀！」
陳母近乎歇斯底里，大叫：「我見唔到條屍，我死都唔會走！」
此際陳母哭至嘔吐，在旁的女警馬上扶着她再加以安慰，數步之外是陳母的丈夫和兒子，他們仍忍着淚水，對她是無奈的呆望，畢竟明白發現的女屍，正是自己的至親。
陳母坐於沙發上，時而搥胸，時而拍桌責罵警員，突又狂叫：「係佢㗎啦！死得好慘！」
在室內不斷傳出慘叫聲，陳母肝腸寸斷，她真是無法接受女兒遇害的消息，忽然自我安慰說：「唔會係佢嘅，雯雯唔會咁短命，佢個相唔係咁短命，我要搵佢吖！」
女警不斷相勸，又遞水給她解渴，惟恐她精神崩潰。陳母又失控地嚷着：「冇理由嘅，佢咁細個，又冇做壞事，點解偏偏揀中佢，雯雯死得好慘呀！」
經過數十分鐘的叫喊，陳母聲音變得沙啞，女警安慰着她說要經過驗屍才能確定死者是否陳諾雯，但陳母似心裏有數：「都咁耐咯，我都打定輸數，唔好當我係白癡！」
又哭了十多分鐘，陳母情緒再度失控：「我要照顧佢，我要落去照顧佢。」說罷不停用手搥胸口，丈夫和兒子似愛莫能助，她又大叫：「搵唔到個人，我都要搵番條屍，點都唔可以畀佢白白冇咗。」一個多小時的流淚，陳母離開休息的房間上廁所，女警一直相伴，恐她做出儍事。