經濟咁低迷，人人都想2002年快啲過，出年轉吓運，不過點先至可以轉運？咁就要睇吓你屬於邊個星座啦！據對星座有深入研究嘅星座小王子講，去旅行可以幫人轉運，因為平時生活繁忙緊張，去旅行可以令心境開朗，重返生活崗位後會更有動力、事事如意喎。不過，原來屬於唔同星座嘅人，2003年都有唔同嘅最佳旅遊地點（見表），揀啱先至可以將運勢推至最高。
康泰旅行社噚日搞咗個「旅遊行好運2003」講座，請咗星座小王子做嘉賓，大談星座同旅遊嘅關係，吸引唔少人參加。小王子話，星座代表一個人的天生個性、意志力同自我表達方式，將呢啲性格特徵，再配合埋太陽系內行星運轉所產生嘅運勢變化，就可以知道呢個人嘅最佳旅遊地點係邊度，達到旅遊行好運嘅目的。
星座小王子重會擔任康泰榮譽領隊，喺一月三十一日（年廿九）親自帶一團人去台灣玩㖭。
傳真︰2623-9278
電郵︰