日本萬事得車廠新近推出嘅Mazda6及Mazda2，深受車迷歡迎，風頭可謂一時無兩；而最近外國方面就有消息傳出，話廠方正為旗下嘅323車系研製全新版本，新車除有機會改名為Mazda3外，而且重有望響明年正式推出㖭！
從預想圖中可以睇到，全新Mazda3#嘅車首造型，與同廠Mazda6及Mazda2極為相似，除採用全新鬼面罩配搭外，一對由多盞圓燈所組成嘅頭燈組合，照明度高之餘望落去重好有吸引力；同時，廠方為迎合不同用家嘅需要，更會有四門及五門掀背版供選擇㗎！車廂布局方面，由於新車仍在研製階段，故暫未有關於呢方面嘅詳細資料，但一般相信會與現有型號一樣以實用為主；而機械配搭亦有多個選擇，當中仍在熱賣中嘅323，所採用嘅一台1.5公升引擎亦有望在選擇之列。若然新車能在明年正式推出的話，未知代理方面會否引入呢？