梁詠琪（GiGi）昨日在荃灣仁濟醫院探訪病童，大會還委任GiGi為「仁濟慈善大使」，她並即場帶領自己數百歌迷組成的義工團做宣誓儀式。
GiGi在宣誓完後便探訪兒童病房，她對病童十分關懷，GiGi還碰見兩年前曾探訪過的女病人詠心，她當年送了一隻熊啤啤給詠心，而昨日詠心更回贈GiGi一隻熊啤啤，以示答謝。
GiGi說：「有邊個人想病，病人都需要多啲鼓勵，記得四年前我探過一位末期癌病患者，佢冇耐就死咗，我都好唔開心。」
GiGi很鼓勵歌迷做義工，她說：「我同歌迷講佢哋送嘅禮物，我會捐去慈善機構，歌迷都唔介意，我希望成立咗義工團後，得閒可以多啲同佢哋一齊去做義工。」
採訪：卓寶花
攝影：陳偉權