聖誕將至，有藉口出街食大餐，但三日假期都把膳食外判，你唔悶個胃口都厭啦，難得空閒，不如玩餐煮飯仔，為節慶增添情趣。下廚之前先花些少資本，添置別致廚具，誘發自己的煮食興致，煮成品配合全套新款餐具，讓你吃得更滋味過癮。
記者：楊一凡 攝影：陳陶鈞
ImageGirl：Natalie
這是Freshgrind鮮磨香料調味罌，瓶裏的中軸跟底部鋸齒相連，注滿一瓶原粒香料，手握水龍頭，擰呀擰，就可享用鮮磨香料。
做意式或法式沙律時，最愛以橄欖油加意大利醋相伴，身上印了8號和10號的油醋瓶，幼如導火線的瓶嘴，點滴易控制，方便不浪費。
圓碌碌的杯墊加圓點及心形圖案，通街都有啦！睇真啲綠藍圓點及紫紅心心，遇熱飲着陸，曉自行流轉，幾有驚喜。
來自日本的趣致小火鍋，紙盒印有2至3人用的朱古力火鍋食譜，雖是日文，但相影得靚，份量是數字，一看就懂。全套包括鍋、白木托盤、三小叉、一木杓及小蠟燭。
佳節喜慶，自己買新衫，廚房刀叉也要換靚衫，烙了眼和笑口的連身刀叉匙，看似為小孩而設，其實鬼咁多大人Fans。
生活館（28816568）
營業時間：下午1時至晚上11時
地址：銅鑼灣記利佐治街2至10號銅鑼灣地帶二樓222號舖
同場加映各式餐具
節日飯局邀請了老長輩或外國朋友，手製的中式餐具，傳統中帶點摩登，又可增添菜式風味。飯碗及碟各售$29，有柄杯$25，長方形的牙籤盅$69，波波調味每對$79，另扭扭筷子每對$10，筷子托$15，竹蓆枱墊每塊$40。
想起聖誕大餐，肥大的火雞立時湧現腦海？咦，你咁崇洋，買套凹凸玻璃餐具食大餐啦！小圓及方形玻璃碟各售$40，大碟$69，煙灰盅$35，白色人仔調味瓶$98。
近年Fusion菜大熱，相識貫中西的你，是否要買套FusionFeel的餐具大宴親朋呢？黑面米白邊碟$39，骰仔調味$180，啡色斑點杯$29，刀叉及大小匙全套四件，六套連刀叉架$560。
WalltoWall（23710077）
營業時間：朝11晚8，星期日晚提早至7時。
地址：荔枝角青山道576至586號製衣中心地下C3舖（荔枝角地鐵B1出口）
按摩浴缸
若然晚晚幫襯按摩中心，回家實舒服有覺瞓，但小數怕長計，倒不如趁各式歐洲按摩浴缸大減價，平平哋買番個，安坐家中，讓全體同人齊享按摩樂。減價品牌包括意大利Teuco、德國Villeroy&Boch及西班牙Roca，至平減至$1,988，你可於購買日起計，三個月內取貨。
colour.living （22956881）
營業時間：星期一至六上午10時半至晚上7時半，星期日下午12時半至晚上7時半。
地址：灣仔駱克道333號
註：優惠只限今天
今個聖誕小肥豬、達菲鴨、小鳥必必及草原狼懷爾等，被安排在一套四款的感光掛飾中出現，掛飾以冰屋及紅綠色蛋形屋等為主軸，並連上一塊感光板，只要遇強光一照，掛飾上的卡通主角即氹氹轉，精美聖誕掛飾每個售$68。
私物店 (23148988)
營業時間：下午2時至晚上10時
地址：尖沙嘴山林道46-48號運通商場1樓25,30-31號舖
幾時都話卡通公仔不是細路仔的專利，尤其是各式設計精巧的公仔家品，絕對可美化位處石屎森林內的家居，倍添家庭溫暖，今日適逢米奇、維尼及吉蒂等公仔加入聖誕減價行列，一家大細拿拿臨去掃貨囉！
小熊維尼搪瓷雙柄鍋，直徑有18cm闊，鍋蓋及鍋身都印了可愛維尼。原價$95開倉價$69。另一盒兩個的維尼班戟模，原價$109開倉價$49。
聖誕瘋狂大特賣
地點：長沙灣道833號長沙灣廣場1座9樓（荔枝角地鐵A出口）
開倉日期及時間：即日起，逢星期一至六上午11時至晚上9時；星期日及公眾假期正午12時至晚上8時。