前晚假堅尼地道香港設計中心舉行的「十大最佳衣着人士」頒獎典禮，得獎名單可說出人意表，只得九位得獎者，包括陳慧珊、陳冠希、方中信等。
據悉鄒世龍及太太唐浩雯本應得獎，但因拒絕出席即被飛出得獎名單之內。
唐浩雯昨日在電話訪問中表示，她在一星期前已收到大會書面通知得獎，對方更要求贊助她穿着特定品牌。
唐浩雯說：「贊助都冇問題，我揀咗一套衫，點知前日就不停追問我着唔着，原來有另一個得獎人揀咗同我同款嘅衫，最勞氣係重傳話我發晒爛渣一定要爭贏套衫，否則就唔出席，好嬲囉！攞唔攞獎唔緊要，扮開心去攞就無謂啦，一早我已經準備咗着自己衫，一件小事搞到咁複雜，真係好笑！」