梁朝偉、鄭中基（Ronald）和楊千嬅前晚一起出席新片《行運超人》的煞科宴。Ronald和千嬅近日屢傳已秘密復合，二人在煞科宴上合照亦表現大方，但宴後則各自各精采。Ronald與王合喜及CATgirls唱K，千嬅則看新片《金雞》首映。
楊千嬅早前被拍得將座駕停泊在鄭中基寓所外，但二人否認復合，前晚二人一同到黃埔海逸酒店出席新片《行運超人》的煞科宴，起初大合照時表現大方，但後來記者欲拍千嬅、偉仔及Ronald的合照時，Ronald卻站於一旁，要偉仔及千嬅叫他才埋位，似乎頗尷尬。
Ronald事後接受訪問時說：「我以為影男女主角合照，咪諗住等人影完先囉。」被問到會否與千嬅復合？Ronald說：「𠵱家係好好朋友，不過呢啲嘢好難講，冇乜嘢冇可能嘅，但𠵱家唔會囉。」問他會否為報道不開心？Ronald說：「唔會，大家都知乜嘢事，唔會介意。」
煞科宴後，Ronald與王合喜及幾位CATgirls等到銅鑼灣唱K消遣，至凌晨三時多離開時，Ronald與眾人一同步離卡拉OK。Ronald昨日在電話中表示不認識幾位CATgirls，他說：「係Ba叔叫我去唱K，玩完咪大班人一齊走囉，佢哋（CATgirls）有份拍《行》片，但我同佢哋唔熟，唔知邊個打邊個。」千嬅則應吳君如之邀看《金雞》首映。
偉仔前晚十一時許乘坐保母車返澤東電影公司，當時張曼玉的座駕亦在現場，偉仔的兩名助手首先扶着一名醉醺醺的女子下車，偉仔亦落車幫手，等該女子上樓後，偉仔再等張曼玉座駕開走他才回家。
採訪：何永寧
攝影：何國豪、娛樂突發組