陳奕迅（Eason）前晚出席電影《金雞》在灣仔會展舉行的首映禮時，再被問到王菲和謝霆鋒借他嘉崙臺寓所約會一事，Eason說：「我唔知有呢件事，可能佢（王菲）有朋友住喺度呢！佢係咪去我屋企始終係一個謎，我屋企唔可以食煙打牌開party，所以唔會有人借屋。」
雖然前晚Eason在ＩＦＰＩ頒獎禮上食白果，但昨日其所屬英皇唱片公司卻在尖沙嘴香格里拉酒店頒贈白金唱片給Eason，順道為他舉行歌迷聚會，似是給Eason補償，但Eason不認同，他說：「唔可以咁講，每個頒獎禮機制唔同，最緊要做好自己本份，有獎當然錦上添花，但冇獎都唔會覺得嬲。」
採訪、攝影：魯萍、胡比