花旗銀行香港區行長陳子政喺美資銀行做到咁高級，英文當然唔會難到佢，唯一嘅「死穴」係日文。
香港電台《與CEO對話》今日會播出陳子政嘅訪問，八方「先聽為快」，原來佢曾經被派駐日本八年，最初與當地人開會，與會者知道佢唔識日文，但係仍然堅持用日文交談，佢惟有一直忍耐，堅持在現場參與會議。
雞同鴨講當然好慘，但係陳子政話呢次經驗令佢領會到做人處事要有包容他人的心，不能堅持自己的一套。
另外佢家陣做到花旗銀行香港「阿一」，但係從不會覺得自己重要，佢話屋企有七兄弟姊妹，佢係「孻仔」，由細到大都要聽從兄姊嘅意見。佢話將呢種態度用在事業上，必然可以取得佳績。
花旗銀行雖然努力推廣信用卡同埋私人貸款，但係陳子政在訪問上不忘「袋錢入你袋」，叫大家在通縮之下，利用資源減低負債。他更笑言，錢太多有時是一種負累，只懂斂財的人一定不會快樂。
傳真︰2623-9278
電郵︰