中國地大物博，中國菜系眾多，特色菜更是數之不盡，但大家可有發現，愈冷的地方，吃的菜也愈濃愈油膩，四川、新疆和上海正正是個好例子，這三處地方在嚴冬偏寒，吃的正好是又濃又膩的菜餚，但也甚有其特色，不如就趁今天，和家人一起吃頓熱辣辣的地方菜，過一個裏裏外外都咁暖的冬至。
四川菜
歎川菜提早做冬
中國人重視冬至，就算幾忙幾唔得閒，都要擠出時間和家人坐埋食餐飯，可惜今年冬至，Cookies要為電影返廣州宣傳，未能和家人做節，但一班女仔日對夜對，早已親如姊妹，於是今次就應我們邀請，索性提早做冬，食餐熱辣辣四川菜暖身。
操流行廣東話的大廚玉置良三，入廚19年，入行頭5年學煮台灣菜，然後才學回家鄉日本菜，可能你會覺得日本菜和四川菜「九唔搭八」，但這種Fusion效果卻令食店晚晚爆棚。菜式味道雖然比正宗四川菜稍淡，而用料方面亦滲進不少日本元素，但不嗜辣又恨食四川菜的朋友，就可能合晒口胃。
絕對是限量發售，因為要用新鮮桂花魚即叫即煮，二十幾碟賣晒就冇。醬汁只用來自鎮江的黑醋，但已夠入味，食落酸酸甜甜，加上魚身夠滑，唔食得辣的Stephy就最捧場。
這個水煮牛肉味道比坊間的更香，因為棄用一般生抽和老抽，改用日本豉油。而配料中加入了爽滑的粉皮及四川指天椒、乾辣椒和自家製的胡辣椒，味道不算辛辣，但麻味較重，難怪喉嚨不太舒服的Angela欲罷不能，像上癮般吃完又吃。
選用新西蘭羊髀肉，食落夠腍又不太羶，羊肉不用調味料醃，用京式生爆煮法來爆香。上碟時會在客人面前將羊肉放在燙熱的鐵板上，再用薄餅包來食，連Theresa都大讚Yummy！
有點像台灣菜館吃的花枝丸，不過裏頭就暗藏殺機，因為加了蟹粉，所以咬落會有爆醬效果，隨時辣親個嘴。
天與地中華料理
地址：尖沙嘴諾士佛台6號地下及1樓
電話：23678428
營業時間：星期日至四下午6時至凌晨1時，星期五、六或假期前夕至凌晨2時。