美國最著名新聞雜誌《Newsweek》終於有中文版。由前立法局議員潘國濂控制嘅慧峰集團，旗下嘅華宇新聞週刊已經喺十二月十二日，同美國華盛頓郵報集團旗下NewsweekInc.簽署協議，根據《Newsweek》美國版同國際版內容，推出《新聞週刊中文月刊》，呢本月刊喺香港同大陸有得賣，用簡體字編寫。
據悉，《新聞週刊中文月刊》將商業、健康、家庭、生活、科學、科技及娛樂的最新資訊介紹畀華人讀者，但偏偏就冇講佢哋招牌嘅新聞內容，八方覺得呢樣係為咗遷就大陸市場。潘國濂咁有計攞到《新聞週刊》代理權，帶佢入大陸，慢慢打開呢個傳媒禁區，當然不必操之過急。八方較早時已提過，剛獲選為人大港區代表嘅飛哥李鵬飛亦係慧峰董事，呢個關口真係不得不提呢。
（圖）潘國濂好有計，攞到《新聞週刊》代理權。
傳真︰2623-9278
電郵︰