九人女子組合Cookies昨日在葵芳舉行「《deliciousCookies》知味簽唱會」，共派出四百多個入場名額，不過只有九名幸運兒可獲Cookies成員在寫真集上簽名，有fans為近距離接觸偶像，早上六時已開始輪候。
而成員Angela、Theresa及Gloria三人被問及近日獲E-kids成員力追一事時，Theresa說：「嗰日係Otto（EO2成員）生日，同成班人一齊慶祝，其中包括E-kids。E-kids唔啱我哋，我哋亦都冇食煙飲酒。」簽唱會結束後，Cookies再趕往銅鑼灣接受訪問。
而英皇3T小花鄭希怡（Yumiko）、蔣雅文（Mandy）及劉思惠（Maggie），昨日亦連跑兩場，齊齊出席在粉嶺舉行的「聖誕狂歡動感繽FunShow」及在尖沙嘴舉行的「大專明星選拔賽」，但捧場fans只得百逾人，人數上遠遜Cookies，不過Mandy卻獲母親及妹妹到場支持。事後Mandy說：「我自從搬出嚟住之後，已經有八、九個月冇見過屋企人，我屋企人係呢度街坊，媽咪之前都有睇過我表演，但次次都搵唔到佢，頭先見到媽咪企喺台下，阿妹就同我啲fans企埋一齊，覺得好感動。」