香港科技大學有個課程，喺一個國際商學院課程排名榜之中攞咗第一，真係恭喜晒！八方睇真啲，發覺竟然係學生威水過教授，好罕有喎？
科技大學商學院與國際著名嘅Kellogg管理學院，合辦嘅EMBA（高級管理人員工商管理碩士）課程，喺《世界經理人文摘》「2002亞洲最佳EMBA項目」調查中，攞到綜合排名第一位，擊敗其他四十四個對手，美國芝加哥大學商學院亞洲分院及新加坡國立大學商學院，都只可以分別做阿二同阿三。
讀得科大呢個EMBA課程嘅學生，絕非等閒，據介紹，佢哋一般銜頭係執行董事，入學前平均年薪一百五十幾萬，平均工作經驗有十五年；𠵱家讀緊嘅學生來自世界各地，無疑係個公司高層集中地，所以喺分項「學員質素」評價中排第一，而喺聲譽同師資分項嘅評價只排第二。
傳真︰2623-9278
電郵︰