華晨中國（1114）搞咗好耐嘅股權問題，終於由遼寧省政府出嚟收拾殘局，買回大股東中國金融教育發展基金所持39.45%股權，解決控股權嘅不明朗因素。
不過，由於0.10元呢個全面收購價實在嚇親人，所以隻股噚日復牌，股價一度急跌至1.39元，但好快就有買盤殺到，將股價推番上去，收市報1.43元，只係微跌咗1.38%，成交金額高達4883萬元。
經紀黃表示，噚日華晨咁大成交，當中不乏趁低買入博反彈，但相信好多都在收市前沽咗。不過，長線而言，佢都話睇好隻股。
華晨因股權問題，政府與前主席搞到好唔愉快，致令股價一度低迷，但實情公司運作並未受到影響，生意照樣做，所以隻股先至會由1元樓下炒番上嚟。基於同一道理，一旦遼寧省政府完成收回華晨資產後，相信一切都雨過天青，以華晨咁大規模，應該唔止值現時呢個價。
慕容小初