由梁朝偉和劉德華主演的電影《無間道》，上映兩周已打破《少林足球》兩周收二千萬的票房紀錄。
電影公司前晚於尖沙嘴舉行慶功宴，並宣布開拍《無間道前傳》，由陳冠希和余文樂擔演主角，而趙頌茹（阿Yu）飾演少女版鄭秀文。
前晚阿Yu出席慶功宴時，寰亞老闆林建岳本想熱情招呼，但他見記者圍着阿Yu拍照，即刻意避嫌走開。
而偉仔前晚心情甚靚，但正在戒酒的他只肯以茶代酒。對於劉嘉玲表示視偉仔為終身老伴一事，偉仔笑說：「都唔知點答你好，大家一齊感覺幾好吖！」早前有傳偉仔與華仔不咬弦，但前晚二人在台上有講有笑，未覺有何異樣，偉仔、栢芝、黃秋生和華仔等人，更分別拿出一萬至一萬九千元現金供現場人士抽獎，場面熱鬧。
此外，陳冠希（Edison）被問到跟屢傳不和的余文樂再合作《無間道前傳》可會尷尬時，Edison說：「我哋冇嘢，不過我唔會約佢行街食飯，拍戲時對手戲又唔多，所以本身冇乜接觸。」