廖碧兒今年聖誕節忙於拍攝無綫新劇《律政新人王》（暫名），無暇跟男友劉愷威共度佳節，可是廖碧兒卻開口表示希望收到對方的禮物，劉愷威應該識做啦！
廖碧兒早前接受激光矯視手術，手術十分成功，不用再佩戴隱形眼鏡。廖碧兒經過休息後，眼睛已完全康復，並開始拍無綫新劇《律政新人王》（暫名）。
廖碧兒剛跟隱形眼鏡說「再見」，偏偏卻又要在劇中扮演一名近視的見習律師，她日前在灣仔接受訪問時說：「真係巧合，我喺新劇要做番四眼妹，為咗呢套劇，我都要專登配過晒啲平光鏡片。不過，我雙眼啱啱做完激光矯視手術，都需要好好保護，加上香港四圍都好多塵，所以我戴住平光眼鏡遮擋吓都好嘅。」由於眼睛剛痊愈，廖碧兒每次卸妝都額外小心，她說：「淨係雙眼都要花成個鐘頭。」
問到廖碧兒聖誕節會怎樣度過？她說：「我應該要開工，基本上我哋一班演員都好玩得，日日開工都似開緊派對，都冇話分唔分聖誕節。」既然無暇跟男友劉愷威共度佳節，那她可渴望收到對方的神秘大禮，廖碧兒說：「總之邊個送禮物我都想收，我呢排冇時間，我都好想可以四出選購聖誕禮物畀朋友，今年媽咪嚟咗香港過節，我都想買份禮物畀佢。」