大學生歌手倉木麻衣出道以嚟一直鬼死咁低調，連嗰啲原本日夜跟蹤佢嘅狗仔隊都鳴金收兵咗好耐。其實麻衣經常俾啲同學大讚平易近人，不過有樣嘢佢哋一聽到就耍手擰頭，就係麻衣親手整嘅飯盒！聽講佢有本事煎蛋煎到黑麻麻，然後用納豆撈埋啲有五味粉嘅豬肉加飯一齊食，但係同學仔見佢請到埋嚟，惟有忍住陣怪味吞落肚啦！