兩個月前皇仁一百四十周年校慶，八方一數，驚覺三司十一局阿頭已經冇一個係QC仔，官場個句「高官唔係皇仁、華仁，就係女人」已成歷史。
QC仔失勢，但華仁仔仍然掂，例如政務司司長曾蔭權、房屋及規劃地政局局長孫明揚、政制事務局局長林瑞麟、醫管局行政總裁何兆煒，民主黨前黨魁李柱銘都係校友。
噚晚香港同九龍華仁舊生會聯手喺會展舉行周年晚會，但就唔見上述班校友。噚晚主題係「StarryNight（星光之夜）」，請到車婉婉唱歌搞氣氛。大會鼓勵嘉賓盡量着到星光熠熠，重幫來賓黐啲閃粉上身。抽獎禮物豐富，大獎係福士新款甲蟲車。買枱萬二銀一席，抽獎券就二百蚊一張。
另外，九華正為窩打老道校舍籌錢修葺，因為該校舍已經歷盡五十年風雨，學校為學生着想，又唔打算轉直資，所以希望校友多多幫忙。
傳真︰2623-9278
電郵︰